كتير مننا لما بييجي يرسم شخصية – سواء كانت تصميم شخصيه أو جزء من الستريشن أو صفحة كومكس—بيحس أحيانًا إن في حاجة مش مظبوطة، بس مش قادر يحدد هي إيه بالظبط.
هل المشكلة في التشريح؟
هل اللبس مرسوم غلط؟
هل السيلويت مش واضح كفاية؟
أحيانًا بتكون مشكلة واحدة، وأحيانًا بيكون خليط من كذا حاجة.
لو حصل معاك الموقف ده، نصيحة بسيطة:
ارجع خطوة ورا، وابدأ من أول مرحلة…
شيّل كل اللايرات اللي فوق الشخصية، وابدأ تحلل الرسمة من الأساس.
في الغالب، حتلاقي إن أغلب المشاكل جاية من التشريح.
وده طبيعي، لأن التشريح هو العمود الفقري لأي شخصية مرسومة كويس.
ومش المراحل ده حد يشوفها واللى انا رفعه للايضاح مش اكتر .
محدش بيهتم بالمراحل المهم النتيجه .
ومن الآخر، وزي ما سعيد صالح قالها في “مدرسة المشاغبين”:
“كل ما تتزنق… اخلع((اقلع))!”
